प्रदेश सभा, कर्णाली प्रदेशको परिचय

नेपालको संविधानको धारा ५६ उपधारा (२) बमोजिम राज्यशक्तिको प्रयोग संघ,  प्रदेश र स्थानीय तहले कानून बमोजिम हुने व्यवस्था रहेको र धारा १७५ बमोजिम पहिलो हुने निर्वाचित हुने निर्वाचन प्रणाली र समानुपातिक निर्वाचन प्रणालीबाट निर्वाचित सदस्यबाट प्रदेश सभाको गठन हुने प्रावधान बमोजिम नेपालको संविधानको अनुसूची ४ मा उल्लेखित १० जिल्ला (सुर्खेत, दैलेख, जाजरकोट, सल्यान, रुकुम पश्चिम, कालिकोट, जुम्ला, मुगु, हुम्ला र डोल्पा) का  ४० जना माननीय सदस्यहरू रहने गरी कर्णाली प्रदेशसभाको गठन हुने प्रावधान छ । यस प्रदेश सभाको पहिलो बैठक २०७४ साल माघ २१ गते बसेको थियो । पहिलो निर्वाचित हुने निर्वाचन प्रणालीबाट २४ ‍जना,  समानुपातिक निर्वाचन प्रणालीबाट १६ जना गरी जम्मा ४० माननीय सदस्यहरू कर्णाली प्रदेशसभामा रहनु भएको छ । कर्णाली प्रदेशसभाको पहिलो कार्यकाल सकिदाको समयमा कर्णाली प्रदेशसभामा नेपाल कम्यूनिष्ट (एमाले)बाट 13 जना, नेपाल कम्यूनिष्ट पार्टी (माओवादी केन्द्र) बाट ११ जना, नेपाली काँग्रेसबाट ६ जना, नेकपा (एकीकृत समाजवादी)बाट ३ जना र राष्ट्रिय प्रजातन्त्र पार्टीबाट १ जना गरी जम्मा 34 जना माननीय सदस्यहरुको प्रतिनिधित्व रहेको थियो । कर्णाली प्रदेश सभाको पहिलो कार्यकालमा सभामुखमा माननीय श्री राजबहादुर शाही, उपसभामुखमा माननीय श्री पुष्पा घर्ती विष्ट रहनु भएको थियो । ​​​​​​​प्रदेश सभाको सचिव श्री जीवराज बुढाथोकी हुनुहुन्छ ।

दर्ता विधेयक

Darta

समितिमा गएका विधेयक

Samiti

पारित विधेयक

Parit

प्रमाणीकरण भएका बिधेयक

Pramanikaran